⬇️كل ما تريد معرفته عن البريد المدرسى

لو انته مش عارف ايه هو بريدك المدرسى اللى انته مفروض تسجل بيه فى بنك المعرفة EKB عشان تقدر تستخدم ادارة التعليم الالكترونى LMS و تسجل بيه كمان فى تطبيق ال Microsoft Teams و باقى منصات وزارة التربية و التعليم . ف الوزارة من اكتر اسبوعين اتاحت موقع الالكترونى تجيب منه بريدك من غير متروح المدرسة و تقريبا فى ناس لحد دلوقتى مسمعتش عنه ف لو مسمعتش عنه
اتبع الخطوات الاتية /

1 – ابحث فى جوجل عن (الحساب المدرسى الموحد) .

2- اضغط على اول نتيجة او اول رابط يظهر ليك https://office365.emis.gov.eg .

3 – اضغط على حساب الطالب .

4 – اكتب رقمك القومى و كودك كود الطالب و اضغط على انا لست ربوت و بعدين اضغط على التحقق من البيانات .

5 – اكتب رقم تليفونك و بريدك الالكترونى و اكد البريد مرة تانية
بس ثانية واحدة انا داخل اجيب بريد اكتب بريد !! ايه الدماغ دى
استنى بس م انا هقولك البريد اللى طالبه هنا ده بريدك الشخصى الخاص بيك انته متقنعيش انك معندكش بريد فى جوجل او ياهو بص من الاخر البريد اللى عامل بيه الفيس هاا عارفوا اكتبوا هناك

6 – اضغط على انا لست ربوت و بعدين اضغط على اعادة تعين كلمة المرور .

7 – هيظهر ليك اسم الحساب و ده بريدك و كلمة السر تحفظهم او تعملهم cpoy و paste فى المذكرة او تكتبهم فى ورقة عشان هنحتاجهم دلوقتى تمام .

8 – بتطلع بعد كده على جوجل و تكتب فى البحث office 365 و تضغط على اول نتيجة تظهرلك .

9 – بتضغط على تسجيل الدخول او sign in و تكتب البريد اللى انته لسه جايبه و تضغط على Next او التى و تكتب كلمة السر اللى انته لسه برضوا جايبها و تضغط على sign in او تسجيل الدخول .

10 – هيسئلك انته عايز تحافظ على تسجيل دخولك و لا ؟
الافضل اضغط على نعم ده لو انته فاتح من موبيلك او جهاز تبعك اما لو جهاز حد غريب او واحد صحبك اضغط على لا و بعد متخلص امسح سجلات المتصفح كلها .

11 – هيدخلك على صفحة الاوفيس ٣٦٥ هتضغط من الجنب عشان تتفتح ليك قائمة ببرامج الاوفيس ٣٦٥ و بعدين تضغط على outlook عشان تفتح البريد المدرسى اللى مفروض هيجلك عليه رسالة التحقق من بنك المعرفة او من اى منصة تابعة للوزارة هتعمل فيها حساب تمام .

ملحوظة كده على السريع /

لو انت طالب فى اولى ثانوى و لسه معملتش اى بريد او حساب فى بنك المعرفة بعد ماتعمل الخطوات اللى اتكلمنا عليها دلوقتى بتسيب صفحة البريد مفتوحة و بتروح على بنك المعرفة و تضغظ على تسجيل الدخول و انشاء حساب جديد و تملى بياناتك زاى الاسم و تاريخ الميلاد و الرقم القومى و تكتب البريد اللى انته لسه جايبه من موقع الحساب المدرسى الموحد و زاى مقولتك تكون فاتح صفحة بريد outlook عشان بنك المعرفة هيبعت ليك رسالة عليه فيها رابط تفعيل الحساب . اما لو انته تانية او تالتة متعملش كده عشان هيقولك هذا الرقم القومى موجود من قبل و لكن ممكن تسجل بالبريد ده فى باقى المنصات عادى زاى تطبيق Microsoft Teams و غيره بس بنك المعرفة لا عشان رقمك القومى مسجل هناك قبل كده و بالمثال يتضح المقال
⬇️

• 

• 

•